كل ما يخص فرش المطبخ ........................................

السلام عليكم احلى بنات و سيدات مجتمع حواء

النهارده هاتكلم معاكوا
عن فرش و توزيع المطبخ

ازاي كل واحده فيكو تبقى عندها فكره عن فرش المطبخ لأن المطبخ من اهم غرف
المنزل ،
هي حاجات بسيطه بس تبقي عارفها عشان تريحيك انتى في الاخر
هما نقطتين اساسين

اول
حاجه المساحه و تاني حاجه مثلث العمل او الحركه(working triangle) بس هابتدي بيه قبل
المساحه عشان اوضح معناه عشان هانكلم عليه كتير واحنا بنكلم على المساحه
مثلث العمل عباره عن الثلاث وحدات الأكثر
استخدام و انتي داخل المطبخ و هم

البوتجاز(range) - الثلاجه(refrigerator)
- الحوض(sink)

لو كل ست بيت ركزت هي واقفه المطبخ هتلاقي نفسها
بتتحرك بين الثلاث الوحدات دول اكتر الوقت وعشان كده لازم يبقى توزيعهم
على شكل مثلث لتسهيل الحركه بينهم
و طبعا العناصر (3) ينبغي أن تكون في حدود مسافة مريحة (مجموع المسافة
التي ينبغي ألا يكون أكثر من 8 مترا) .
وإذا كان الثلاثة عناصر رئيسية هي قريبة جدا من بعضها البعض ، هاتتعبي و
تلاقي مشكله في حريه الحركه.و إذا كانت متباعدة للغاية ، وسوف تجد نفسك
تسير نحو المطبخ معظم الوقت عشان كده اضلاع المثلث متوسطه الاطوال يسهل
الحركه في المطبخ ودي رسومات توضيحيه ليه
ده رسم افقي بمعنى( تخيلي نفسك باصه على مطبخك من
السقف )

[ندعوك للتسجيل في المنتدى أو التعريف بنفسك لمعاينة هذه الصورة]

شفت مثلث الحركه اللي انا بقصده هي ده حاجه لازم تبقي واخده بالك منها و
انتي بتوزعي الوحدات في المطبخ طبعا لو معاكي مصمم ديكور هيبقى عامل حسابه
على ده ولو مش مستعينه بي مصمم ديكور يبقى لازم تاخدي بالك من مثلث الحركه
زي ما وضحت بالصور فوق

تاني حاجه طبعا هي
مساحه المطبخ هاابتدي معاكوا من المساحه الاصغر فا الاكبر
بتتفرش المطابخ حسب مساحتها بخمس طرق مختلفه يعتبروا أساسين و
ممكن اضافه تعديلات على حسب الحاجه و راحه الحركه كل طريقه موضح اسفلها
برسم افقي تخِيُلي للمطبخ وصوره من الطبيعه لمطبخ مماثل

1- المطبخ الصغير يفضل دايما فرشه بوحدات طوليه فوق و
تحت موازي على حائط واحد فقط تشمل الوحده على البوتجاز والحوض وايضا الثلاجه
single
line kitchen

[ندعوك للتسجيل في المنتدى أو التعريف بنفسك لمعاينة هذه الصورة]

2-المطبخ المتوسط ييفرش على طريقتين
الأولى وحديتين متوازين للحائط و مقابلين لبعض و يطلق عليه
galley kitchen

[ندعوك للتسجيل في المنتدى أو التعريف بنفسك لمعاينة هذه الصورة]

و الثاني يتفرش على شكل حرف L ويعرف ب
L-shape

[ندعوك للتسجيل في المنتدى أو التعريف بنفسك لمعاينة هذه الصورة]

و ده من
اكتر المطابخ شيوعا و انتشارا لأنه مناسب لمساحه معظم المطابخ

3-المطبخ الكبير يفرش على شكل U و يعرف ب
U-shape

[ندعوك للتسجيل في المنتدى أو التعريف بنفسك لمعاينة هذه الصورة]

4- رابعا و الاخير لو مطبخك كبير اقوي ومساحته مرتاحه بيتفرش على شكل U
وبداخله جزيره و يعرف ب مطبخ جزيره
بمعني توجد وحده في وسط المطبخ مثل الجزيره غالبا تبقى وحده الحوض او
البوتجاز وتوزع بقيه الوحدات في حرف U

Island
kitchen

[ندعوك للتسجيل في المنتدى أو التعريف بنفسك لمعاينة هذه الصورة]

بس كده هي ديه اساسيات
توزيع و فرش المطبخ ممكن طبعا اضافه
تعديلات عليه حسب احتياجاتك و رغباتك الشخصيه

اتمنى اكون
ما طولتش عليكم بس كلنا عارفين قد ايه المطبخ مهم لكل ست بيت و راحتها فيه
مش رفاهيه ده شئ اساسي و مهم

الموضوع كان
بخصوص توزيع الوحدات حسب المساحه لكن تصميم و شكل المطبخ (Design ) ده
يبقى من اختيارك انتي وطبعا في استيلات كتير للمطابخ بس ده هانكلم عليه في
موضوع تاني
انشاءالله [ندعوك للتسجيل في المنتدى أو التعريف بنفسك لمعاينة هذه الصورة]

شكرا جدا

موضوعك رائع

اشكرك سلمى على الطلة الحلوة

شكرا على موضوعك

شكرا على الموضوع